4 ოქტომბრის ირგვლივ ატეხილი ამბავი აჩვენებს, რომ სანამ გადაწყვეტილებების მიღების წესზე არ შევთანხმდებით, მანამდე სულ ამ საგიჟეთში ვიქნებით. 8 პუნქტიან გეგმაში სწორედ ეს დავწერეთ, ერთიანობის ურღვეობისთვის უნდა შევთანხმდეთ გადაწყვეტილებების მიღების წესზე, - ამის შესახებ პატიმრობაში მყოფი „სტრატეგია აღმაშენებლის“ლიდერის, გიორგი ვაშაძის მიერ საპატიმროდან გამოგზავნილ მორიგ წერილშია ნათქვამი, რომელიც „ფეისბუქში“ მის გვერდზე ქვეყნდება.
როგორც ვაშაძემ აღნიშნა, ვისაც მისი მიდგომისგან განსხვავებული აზრი აქვს, მზად არის მოისმინოს.
„მხოლოდ ერთიანი მიზანი საკმარისი არ არის, საჭიროა ერთიანი სამოქმედო სისტემა, სწორედ ეს არის 8 პუნქტიანი გამარჯვების გეგმაც. მთავარ კითხვას უნდა გავცეთ პასუხი, როგორ ვაღწევთ კომპრომისს განსხვავებული პოზიციების დროს? „თუ არ მეთანხმები, მაშინ მტერი ხარ“ - არის მცდარი მიდგომა. 8 პუნქტში არის გადაწყვეტილებების მიღების ორი მექანიზმი - პარიტეტული საბჭო უმრავლესობით და შემდეგ ეტაპზე ზურას ინიცირებული ბაზა, სადაც მოხდება ხალხის პირდაპირი ჩართულობა გადაწყვეტილებეის მიღებაში.
ვინც ეთანხმებით, თუ არ ეთანხმებით ამ მიდგომას გთხოვთ, დააფიქსიროთ პოზიცია, მზად ვარ მოვისმინო ყველას აზრი. ძალა ერთობაშია და არა დაქსაქსულობაში“, - წერს გიორგი ვაშაძე.
0
0
