გიორგი ტყემალაძე: „საკითხი პოლიტიკურ სპეკულირებას არ საჭიროებს“

04/02/2022

19:00

პოლიტიკა

A-

თბილისის საკრებულოს თავმჯდომარე გიორგი ტყემალაძე ძველ თბილისში სასტუმროს მშენებლობასთან დაკავშირებით ოპოზიციის ბრალდებებს გამოეხმაურა და განაცხადა, რომ საკითხი არის მარტივი და პოლიტიკურ სპეკულირებას არ საჭიროებს. მისივე თქმით, ისტორიულ არეალში ამ არქიტექტურისა და მასშტაბების მშენებლობა მიზანშეწონილი არ არის, შედეგად, მერიამ ბოლო სართულის მოხსნაზე ნებართვის მფლობელთან მოლაპარაკებები აწარმოა.

„ამ პროცესში მშენებელ კომპანიას გაუვიდა ნებართვის ვადა, თუმცა იმ მიზნით, რომ არ დარღვეულიყო კერძო მესაკუთრის უფლებები მოხდა პროექტის კორექტირება. საკითხი არის მარტივი და პოლიტიკურ სპეკულირებას არ საჭიროებს. ჩვენი პოზიცია არის მკაფიო- თუ კომპანია ბოლო სართულის მოხსნასთან დაკავშირებით ვალდებულებას არ შეასრულებს, მშენებლობის ნებართვა გაუქმდება“- განაცხადა გიორგი ტყემალაძემ.

326