თქვენ სხვას როგორ ეძახით „ნაცებს“, როცა თავად „ნაციონალურ მოძრაობაში“ აღარ არის დარჩენილი იმდენი ყოფილი „ნაცი“, რამდენიც დღევანდელ „ოცნებაშია“ პორტირებული, წახალისებული და დაწინაურებული. სინამდვილეში, „ნაცებს” თქვენ კი არ ებრძვით, ჩვენ ვებრძვით! - ამის შესახებ „გახარია საქართველოსთვის“ დეპუტატმა, გიორგი შარაშიძემ პარლამენტის პლენარულ სხდომაზე გამოსვლისას განაცხადა.

მისივე თქმით, „ქართულ ოცნებას“ დასუსტებული და გამქრალი „ნაცები“ არ სჭირდება, რადგან ისინი „საფრთხობელას როლს სათანადოდ ვეღარ შეასრულებენ“.

ამასთან, მისივე თქმით, 4 ოქტომბერს იყო „ოცნების” და “ნაცების” მიერ მოწყობილი პროვოკაცია, რომელიც ხელისუფლებამ ძალაუფლების შენარჩუნების გამო არ აღკვეთა და ქვეყანა რისკის ქვეშ დააყენა.