გიორგი მამარდაშვილმა, მადრიდის "რეალის" თავდამსხმელის ვინისიუს ჟუნიორის მიერ დარტყმული პენალტი მოიგერია. 

მატჩის პირველი ტაიმი ვალენსიას გამარჯვებით 1:0 დასრულდა. 

საფეხბურთო კლუბ მადრიდის "რეალის" ბრაზილიელი შემტევი ვინისიუს  ჟუნიორი და "ვალენსიას" ქართველი მეკარე, გიორგი მამარდაშვილი მოედანზე ადრეც შეხვედრილან. ესპანეთის ჩემპიონატში, ვინისიუს მოედანზე ერთ-ერთი თამაში  რასისტული შეძახილების ფონზე უწევდა. "მაიმუნი," "შავი" −  სკანდირებდნენ გულშემატკივრები.  ბრაზილიელმა ფეხბურთელმა "ვალენსიას"  ქომაგების მხრიდან რასისტულ შეძახილებზე მსაჯს რამდენჯერმე მიუთითა. თამაში რამდენიმე წუთით შეჩერდა და შემდეგ ფეხბურთელებს შორის დაპირისპირებით განახლდა. რასისტული შეძახილებით გაღიზიანებულმა ბრაზილიელმა ფეხბურთელმა შეხლა-შემოხლის დროს "ვალენსიას" ფეხბურთელს ხელი ჰკრა, რის გამოც მსაჯმა დასაჯა და მოედნიდან გააძევა. შეხვედრის შემდეგ ვინისიუს ჟუნიორმა თქვა, რომ "ეს ფეხბურთი არაა. ლა ლიგა გახდა რასისტების ჩემპიონატი."

მანამდე, ვინისიუსთან ჩხუბის ეპიზოდში "ვალენსიას" ქართველი მეკარე გიორგი მამარდაშვილიც ჩაერთო, რის გამოც მან ყვითელი ბარათი მიიღო. მოგვიანებით, ქართველმა მეკარემ ვინისიუსთან დაპირისპირება იმით ახსნა, რომ ბრაზილიელი ფორვარდისგან თანაგუნდელის შეურაცხყოფა ვერ მოითმინა. მამარდაშვილმა რასიზმი დაგმო და ვინისიუსს მხარდაჭერაც გამოუცხადა.