გიორგი კალანდიას მთავრობის მხარდაჭერისა და კოლაბორაციონიზმის ბრალდებით კაფე “გალაკტიონში” არ უშვებენ. შესაბამის ინფორმაციას სოციალურ ქსელში ირაკლი კაკაბაძე აქვეყნებს, სადაც იგი აღნიშნავს, რომ მიმართა კაფის ადმინისტრაციას, რომ მათთან სტუმრად მიჰყავდა ტურისტული ჯგუფი და ისტორიკოსი გიიორგი კალანდია. პასუხი კი ასეთი აღმოჩნდა:

“სიამოვნებით გიმასპინძლდებით, რომ არა ჩვენი მკაცრი სამოქალაქო პოზიცია და პრინციპები. კალანდიას მსგავს კოლაბორაციონისტებს არ ვემსახურებით. მეგობრები მწერენ და სხვა პერსონებიც აინტერესებთ, ვის არ ვესალმებით და არ ვუშვებთ ჩვენს პატარა საქართველოში -“გალაკტიონში “. სია ვრცელია, ნელა-ნელა ყველას გაგაცნობთ. აიღეთ მაგალითი, ვინც ქვეყანას ღალატობს, ყველამ უნდა იგრძნოს უხერხულობა”, – წერს ირაკლი კაკაბაძე.