თბილისში მიმდინარე ძიუდოს გრანდ სლემის დასკვნით საშეჯიბრო დღეს გიორგი ჯაბნიაშვილმა (90 კგ) ბრინჯაოს მედალი მოიპოვა – ქართველმა მესამე ადგილისთვის დაპირისპირებაში სლოვაკი პეტერ ზილკა დაამარცხა.

ფინალურ ბლოკში კიდევ ორ ქართველს ვიხილავთ – მძიმეწონოსანი გურამ თუშიშვილი ფინალში თავის პრინციპულ მეტოქეს, ნეიტრალური დროშით გამომსვლელ ინალ ტასოევს დაუპირისპირდება, ირაკლი დემეტრაშვილი (+100 კგ) კი ბრინაჯოს მედლისთვის იჭიდავებს.

ფინალური ბლოკის პირდაპირი ტელერეპორტაჟი პირველი არხი სპორტზე მიმდინარეობს.

შეგახსენებთ, რომ თბილისის გრანდ სლემზე ორი დღის შემდეგ საქართველოს ნაკრების ანგარიშზე ექვსი მედალი გახლდათ – ორი ოქრო, ერთი ვერცხლი და სამი ბრინჯაო.