ადვოკატის განცხადებით, თბილისში, 11 იანვრის აქციაზე დაკავებული გია ჯვარშეიშვილი ხელწერილის საფუძველზე გაატავისუფლეს.

“მილიციას მობეზრდა გია ჯვარშეიშვილის უშინაარსო პატიმრობა, რაც გრძელდებოდა თითქმის 24 საათი და გაათავისუფლეს ხელწერილის საფუძველზე. გია საავადმყოფოში რჩება, თუმცა პატიმრობაში აღარ იმყოფება, თავისუფალია!“, - წერს მისი ადვოკატი ილონა დიასამიძე სოციალურ ქსელში.

გია ჯვარშეიშვილი თბილისში, 11 იანვრის აქციაზე დააკავეს. ჯვარშეიშვილი მოგვიანებით “ალადაშვილის კლინიკაში” გადაიყვანეს. ადვოკატის ცნობით, გია ჯვარშეიშვილის დაკავება განხორციელდა ძალის გადამეტებით, რასთან დაკავშირებითაც ინფორმირებულია სპეციალური საგამოძიებო სამსახური.