ღრმად ვწუხვარ საქართველოს ხელისუფლების მიერ გადადგმულ კიდევ ერთ ნაბიჯზე, რომელიც ევროკავშირის ღირებულებებსა და სტანდარტებს შორდება - ამის შესახებ, გაფართოების საკითხებში ევროკომისარმა, მარტა კოსმა სოციალურ ქსელში დაწერა.

“ღრმად ვწუხვარ საქართველოს ხელისუფლების მიერ გადადგმულ კიდევ ერთ ნაბიჯზე, რომელიც ევროკავშირის ღირებულებებსა და სტანდარტებს შორდება.

დღეს მიღებული კანონი კიდევ უფრო შეამცირებს სამოქალაქო სივრცეს და გაზრდის არსებულ რეპრესიებს. მსგავსი ნაბიჯები ეწინააღმდეგება დემოკრატიულ პრინციპებს და უნდა გაუქმდეს," - წერს კოსი.