ღმერთმა ყველგან ვერ ვიქნებიო და ამიტომ დედა და ბებია გააჩინა - განაცხადა ქართული ოცნების დეპუტატმა, ირმა ზავრადაშვილმა.

“ღმერთმა ყველგან ვერ ვიქნებიო და დედა და ბებია მაგიტომ გააჩინა. მე პირადად, ცხოვრებაში თუკი რაიმე კარგი მახსოვს, ყველაფერი ბებიისგან მახსოვს. რომ არ მოგატყუოთ, დილას ჩემთან ტელეფონზე ძალიან ბევრი ზარი შემოვიდა და ახალგაზრდა ბებიებმა გააპროტესტეს, ჩვენ არ გვინდა განსაკუთრებული ბებიის დღეობაო. მართლა ყველა დღე ბებიისაა და ამის საკანონმდებლო დონეზე განხილვა არც მე მიმაჩნია სწორად”,- განაცხადა ზავრადაშვილმა.

პარლამენტის ჯანდაცვისა და სოციალურ საკითხთა კომიტეტმა მოქალაქე მიხეილ სახვაძის ინიციატივაზე იმსჯელა, რომელიც საქართველოში ბებიის დღის ოფიცალურად დაწესებას ითხოვდა. კომიტეტმა მას მხარი არ დაუჭირა.