პალესტინელ ლტოლვილთა დახმარების გაეროს სააგენტოს გენერალურმა კომისარმა ფილიპ ლაზარინმა ღაზას კონფლიქტში ჩართულ მხარეებს ცეცხლის დაუყოვნებლივ შეწყვეტისკენ კიდევ ერთხელ მოუწოდა და დასძინა, რომ ღაზას სკოლებზე ისრაელის თავდასხმები "თითქმის ყოველდღიურ მოვლენად" იქცა.

”ბოლო 10 დღის განმავლობაში, სულ მცირე, რვა სკოლა დაიბომბა, მათ შორის 6 სკოლა პალესტინელ ლტოლვილთა დახმარების გაეროს სააგენტოს ეკუთვნის. ომმა ღაზაში მცხოვრებ გოგონებსა და ბიჭებს ბავშვობა და განათლება წაართვა.

კონფლიქტის მონაწილე არცერთმა მხარემ საბრძოლო-სამხედრო მიზნებისთვის სკოლები არასოდეს უნდა გამოიყენოს. სკოლები არ არის სამიზნე”, - წერს ლაზარინი X-ზე.