გერმანიის თავდაცვის მინისტრმა, ბორის პისტორიუსმა განაცხადა, რომ ახლა ბერლინს კიევისთვის Patriot-ის ტიპის ჰაერსაწინააღმდეგო დამატებითი სისტემების გადაცემის საშუალება არ აქვს. ინფორმაციას გერმანული მედია ავრცელებს.

პისტორიუსმა პარტნიორებს მოუწოდა მხარი დაუჭირონ უკრაინის ჰაერსაწინააღმდეგო სისტემას, რადგან გერმანიას ამის საშუალება არ აქვს. მისი თქმით, გერმანიამ „არაპროპორციულად დიდი წვლილი შეიტანა ამ საქმეში“, უკრაინას გადასცა რა Patriot-ის საკუთარი სისტემების მესამედზე მეტი.

მან აგრეთვე აღიარა, რომ უკრაინისთვის გადაცემული IRIS-T ტიპის საზენიტო-სარაკეტო კომპლექსებიც საკმარისი არ არის.

პისტორიუსის თქმით, გერმანია ახლა ერთადერთი სახელმწიფოა, რომელიც კიევს აღნიშნულ სისტემებს აწვდის და ამას „გარკვეულწილად მუდმივად აკეთებს“.