გერმანიის კანცლერი, ოლაფ შოლცი უკვე ისრაელშია. ის უცხო ქვეყნის პირველი უმაღლესი წარმომადგენელია, ვინც 7 ოქტომბრის შემდეგ ისრაელში ჩავიდა. შოლცს აეროპორტში ქვეყნის საგარეო საქმეთა მინისტრი, ელი კოენი დახვდა.

"ეს მნიშვნელოვანი ვიზიტი ადასტურებს, რომ გერმანია დგას ისრაელის სახელმწიფოს გვერდით და მხარს უჭერს მისი მოქალაქეების უსაფრთხოებისათვის ბრძოლას". - თქვა კოენმა.

ისრაელში ყოფნისას შოლცი ქვეყნის პრემიერს, ბენიამინ ნეთანიაჰუს, პრეზიდენტ ისააკ ჰერცოგსა და სხვა ოფიციალურ პირებს შეხვდება.

ვიზიტის დაწყებამდე გერმანიის კანცლერმა ბერლინში შეხვდა იორდანიის მეფე აბდულას. ორი ქვეყნის ლიდერის შეხვედრის შემდეგ გამართულ პრესკონფერენციაზე კანცლერმა ირანი და ჰეზბოლა გააფრთხილა, ისრაელი-ჰამასის ომში არ ჩაერთონ.