საქართველოში ოფიციალური ვიზიტით მყოფი გერმანიის ფედერაციული რესპუბლიკის ბუნდესტაგის პრეზიდენტი, დღეს პრემიერ-მინისტრსა და პრეზიდენტს შეხვდება.

მანამდე ის პარლამენტის თავმჯდომარეს შეხვდა. მმართველ გუნდში აცხადებენ, რომ ბერბელ ბასის ვიზიტი მნიშვნელოვანი მოვლენაა და გერმანიას კვლავ შეუძლია ისტორიული მისიის შესრულება, რაც საქართველოსთვის ევროკავშირის კანდიდატი ქვეყნის სტატუსის მინიჭებას გულისხმობს.

ვიზიტის ფარგლებში, ბუნდესტაგის პრეზიდენტი, საოკუპაციო ხაზთან ჩავა. დაგეგმილია ევროკავშირის სადამკვირვებლო მისიის ბრიფინგი.

გერმანიის რანგით მეორე სახელმწიფო წარმომადგენლის ვიზიტი საქართველოში, ორი ქვეყნის მჭიდრო თანამშრომლობის კიდევ უფრო გაღრმავებას ემსახურება.