გერმანიის საინფორმაციო სააგენტოს (DPA) მიერ 21-23 თებერვალს ჩატარებული გამოკითხვის თანახმად, გამოკითხულთა 51 პროცენტს სჯერა, რომ უკრაინის შეიარაღება ომში გერმანიის მონაწილეობას ნიშნავს. ამ მოსაზრებას არ ეთანხმება გამოკითხულთა 37 პროცენტი.

გამოკითხულთა 40 პროცენტი მიიჩნევს, რომ გერმანიის მხარდაჭერა უკრაინის შეიარაღების მხრივ ძალიან დიდია, 22 პროცენტი კი თვლის, რომ ეს ძალიან ცოტაა.  

უკრაინაში 18 Leopard-2  ტანკის გაგზავნის გადაწყვეტილებაზე რესპონდენტთა მოსაზრებები თითქმის თანაბრად გაიყო, - წერს DPA. წინააღმდეგი იყო 44%, ხოლო 41%-მა მოიწონა მთავრობის  გადაწყვეტილება.

გერმანიის მიერ საბრძოლო თვითმფრინავების გაგზავნის წინააღმდეგია 56%, მომხრე კი 27%-ია.