გერმანიის პოლიციამ 27 წლის უკრაინელი ქალის ცხედარი მდინარე რაინში აღმოაჩინა. ის მოკლულია. დედამისი და შვილი კი გაქრნენ. ინფორმაციას „უნიანი“ ავრცელებს.

ტრაგიკული შემთხვევა ქალაქ ჰოკენჰაიმში მოხდა. ამჟამად პოლიცია დაღუპულის დედას, 51 წლის ქალს, მარია სტეცენკოს ეძებს. პოლიციის ვარაუდით, ის მკვლელობის მოწმეა.

გაუჩინარებული ბავშვი მხოლოდ 5 კვირისაა. სხვა დეტალებს პოლიცია არ ასაჯაროებს. მოკლულის ცხედარი რამდენიმედღიანი ძებნის შემდეგ იყო ნაპოვნი. მანამდე 27 წლის უკრაინელი დაკარგულად ითვლებოდა.