გერმანიის პრეზიდენტი ფრანკ-ვალტერ შტაინმაიერი დღეს საქართველოს პრეზიდენტ სალომე ზურაბიშვილს ესაუბრა საქართველოში არსებულ ვითარებასთან დაკავშირებით, - ამის შესახებ ინფორმაციას  საქართველოში გერმანიის საელჩო ავრცელებს.

„მადლობელი ვარ თქვენი მკაფიო და ძლიერი პოზიციისთვის თავისუფლებისა და დემოკრატიის მხარდასაჭერად. საქართველოს მოსახლეობამ ევროპის გზა აირჩია.  გერმანია მხარს უჭერს საქართველოს მის ევროპულ გზაზე, რაც მედიისა და სამოქალაქო საზოგადოების თავისუფლებასაც მოიცავს“, -  განაცხადა ფრანკ ვალტერ შტაინმაიერმა.