გერმანიის მთავრობამ შეერთებულ შტატებს ოფიციალური მოთხოვნა გაუგზავნა მობილური სარაკეტო სისტემის „ტაიფონის“ შესყიდვის შესახებ, რაც ვაშინგტონში ოფიციალური ვიზიტის დროს გერმანიის თავდაცვის მინისტრმა ბორის პისტორიუსმაც დაადასტურა. „ამ შეიარაღების სისტემების მოქმედების დიაპაზონი მნიშვნელოვნად აღემატება ევროპაში ამჟამად არსებულს“, - განაცხადა მინისტრმა და დასძინა, რომ „მათი დახმარებით გერმანია შეძლებს გაზარდოს თავისი თავდაცვითი შესაძლებლობა და მნიშვნელოვნად გააუმჯობესოს შეკავების პოტენციალი, ასევე ევროპის პოტენციალი“. ამის შესახებ militarywatchmagazine.com წერს.

ამ სისტემების შეძენა დაგეგმილია იმ დროს, როდესაც გერმანია სულ უფრო აქტიურ როლს ასრულებს ნატოში, როგორც აღმოსავლეთ ევროპაში, ასევე მის ფარგლებს გარეთ, წყნარ ოკეანესა და ახლო აღმოსავლეთში, ამავდროულად მნიშვნელოვნად ზრდის ინვესტიციებს თავის შეიარაღებულ ძალებში. 

„ტაიფონის“ სისტემას შეუძლია გამოიყენოს როგორც „ტომაჰაუკის“ ტიპის ფრთოსანი რაკეტა 1600 კილომეტრის მოქმედების რადიუსით, ასევე SM-6 მრავალფუნქციური რაკეტა, რომლის გამოყენება შესაძლებელია როგორც ბალისტიკური რაკეტებისგან თავდაცვისთვის, ასევე საშუალო რადიუსის ხომალდების წინააღმდეგ საომარი მოქმედებებისთვის. როგორც ამბობენ, გერმანიის თავდაცვის სამინისტრო, პირველ რიგში, „ტომაჰავაკის“ შორი დისტანციის დარტყმის შესაძლებლობებით არის დაინტერესებული.

„Tomahawk Block IV“-ის ფრთოსანი რაკეტის მოქმედების რადიუსი 1600 კილომეტრია, რაც „Typhon“-ის დანაყოფებს საშუალებას აძლევს, გერმანიიდან, რომელიც შესყიდვების გეგმის მთავარ სამიზნედ ითვლება, რუსეთის დედაქალაქ მოსკოვში მდებარე სამიზნეებზე თავდასხმა განახორციელონ. გერმანიის შეტევითი შესაძლებლობები რუსეთის წინააღმდეგ მნიშვნელოვნად გაიზარდა, როდესაც 22 მაისს გერმანიის არმიამ გამოაცხადა 45-ე ჯავშანსატანკო ბრიგადის შექმნის შესახებ, რომელიც ლიეტუვაში, ვილნიუსში იყო განლაგებული. მოსალოდნელია, რომ ეს დანაყოფი უზრუნველყოფს ელიტარულ, მოწინავე მექანიზებულ შესაძლებლობებს საბრძოლო ოპერაციებისთვის ყოფილ საბჭოთა კავშირში, ბელორუსის დედაქალაქ მინსკიდან სულ რაღაც 150 კილომეტრში და მოსკოვიდან 800 კილომეტრზე ნაკლებ მანძილზე.