ფედერალური სტატისტიკური სამსახურის მონაცემები აჩვენებს, რომ გერმანია აგრძელებს დიდი რაოდენობით რუსული ნავთობის იმპორტს ინდოეთის გავლით. ამის შესახებ Spiegel იუწყება.

გერმანიის ნავთობპროდუქტების იმპორტი ინდოეთიდან თორმეტჯერ გაიზარდა მიმდინარე წლის პირველ შვიდ თვეში გასული წლის ანალოგიურ პერიოდთან შედარებით.

გაეროს ცნობით, ინდოეთი, თავის მხრივ, ყიდულობს დიდი მოცულობის ნედლ ნავთობს რუსეთიდან.

„ინდოეთიდან იმპორტი ძირითადად შედგებოდა გაზის ზეთისგან, რომლებიც გამოიყენება დიზელის დასამზადებლად“, - წერს გამოცემა.

ომის გამო გერმანიამ შეწყვიტა ნავთობის პირდაპირი იმპორტი რუსეთიდან. დასავლურმა ქვეყნებმა ასევე დააწესეს ფასის ლიმიტები რუსულ ნავთობზე.

ასევე გავრცელდა ინფორმაცია, რომ G-7-ის ქვეყნებმა და მათმა მოკავშირეებმა გადადეს რუსული ნავთობის ფასის ლიმიტის სქემის რეგულარული განხილვა.