საქართველოს სახელით ხალიჩაზე ბექა ლომთაძე (61 კგ), ავთანდილ კენჭაძე (74 კგ), სანდრო ამინაშვილი (86 კგ) და გენო პეტრიაშვილი (125 კგ) გავიდნენ.

ტურნირზე წარმატებულად იასპარეზა და ხვალ ფინალში იჭიდავებს ქართველი მძიმეწონოსანი, მსოფლიოს სამგზის ჩემპიონი გენო პეტრიაშვილი. ნახევარფინალში მან ყაზახი სპორტსმენი 10:0 დაამარცხა და ხვალ ოქროს მედლისთვის ირანელ ზარეს შეხვდება.

ფინალურ ბლოკში ბრინჯაოს მედლისთვის იბრძოლებს ავთანდილ კენჭაძე (74კგ), რომელიც ნახევარფინალში სლოვაკეთის სახელით მოასპარეზე ოს სალკაზანოვთან დამარცხდა. ბექა ლომთაძე და სანდრო ამინაშვილი კი შეჯიბრს ადრეულ ეტაპზე გამოეთიშნენ, ისინი მედლისთვის ბრძოლას რეპეშაჟიდანაც ვერ გააგრძელებენ.

დღევანდელ წონებში მედლები ხვალ, 3 ოქტომბერს ფინალურ ბლოკში გათამაშდება.