სოციალურ ქსელში გავრცელდა ვიდეო, სადაც "სარაევოსთან" მატჩის შემდეგ "ტორპედოს" გამარჯვების აღნიშვნაა აღბეჭდილი.

ვიდეოში ჩანს, თუ როგორ მიმართავს გუნდის მწვრთნელი სტვინ კინი ფეხბურთელებს ქართულად - "გენაცვალეთ, ბიჭებო!".

ინფორმაციისათვის, კინმა საქართველოში ჩამოსვლისთანავე განაცხადა, რომ ქართული ენის სწავლას აპირებდა, რათა ფეხბურთელებთან უკეთესი კომუნიკაცია ჰქონოდა.

შეგახსენებთ, რომ "ტორპედომ" სარაევო პენალტების სერიაში დაამარცხა და კონფერენს ლიგის მეორე წრეში გავიდა.

ცნობისთვის, უეფა-ს სადისციპლინო კომისიამ „სარაევო“ ქუთაისის „ტორპედოსთან“ პირველი მატჩის დროს მომხდარი ინციდენტის გამო 15 000 ევროთი დააჯარიმა, ხოლო მათ ფანკლუბს, რომლის სახელიც „ბოროტების ურდოა“, თამაშზე დასწრება აუკრძალა – ინფორმაციას sport1.oslobodjenje ავრცელებს.