საქართველოს ეროვნული ნაკრების ფეხბურთელის ბუდუ ზივზივაძის მამა სოციალურ ქსელში წერს:  ,,გელოდებით საქართველო!!" და გერმანიაში, საცხოვრებელი კორპუსის აივანზე გადმოფენილ საქართველოს დროშის ფოტოს აქვეყნებს.

2024 წლის ევროპის ჩემპიონატზე საქართველოს ნაკრების გასვლის შემდეგ, რომელმაც  სტარტი, გერმანიაში 14 ივნისს აიღო,  საქართველოს ნაკრებისა და "კარლსრუეს" ფორვარდმა ბუდუ ზივზივაძემ ქართველ  გულშემატკივრებს მიმართა.

ბუდუმ ჟურნალისტებთან ინტერვიუში განაცხადა, რომ ქომაგებს, რომლებიც გერმანიაში სასტუმროს ვერ იშოვიან, საკუთარ სახლში პირადად მიიღებს.

შეგახსენებთ, რომ საქართველოს ნაკრები ევროპის ჩემპიონატის ჯგუფური ეტაპის პირველ მატჩს 18 ივნისს, თურქეთის წინააღმდეგ გამართავს.