ელისაშვილმა მიმართა წულუკიანს კითხვით, გელათი ისევ თუნუქით არის გადახურული, თუ ამ სირცხვილს თავი მოაბეს და პრობლემა გადაჭრეს.

„გაოგნებული ვარ, რომ ამხელა მოხსენების დროს ერთხელაც არ ახსენეთ გელათი, ვითომ იქ ყველაფერი კარგად არის და ის უბედურება არ მომხდარიყოს, რაც მოხდა, როცა უზარმაზარი ფული დაიხარჯა და კატასტროფული შედეგი მივიღეთ. ვერ გადახურეს წესიერად, ფრესკები დაზიანდა, შედეგები რა გვაქვს? ვინმე დაისაჯა იმ მავნებლობისთვის, რაც ჩაიდინეს გელათში? და შესრულდა თუ არა „იუნესკოს“ რეკომენდაცია რომ 1-ელ თებერვლამდე ყველაფერი უნდა აღდგეს, რა ხდება ახლა გელათში? ისევ თუნუქით არის გადახურული და საფრთხის ქვეშ არის ფრესკები, თუ ამ სირცხვილს თავი მოვაბით და დავძლიეთ“, – განაცხადა ალეკო ელისაშვილმა.