ძლიერმა ქარმა და თოვლმა წალენჯიხის მუნიციპალიტეტში პრობლემები შექმნა. მოსახლეობას ამ დრომდე არ მიეწოდება ელექტროენერგია და ინტერნეტი, წაქცეულია ელექტრო გადამცემი ბოძები და ხეები, გარკვეულ უბნებზე მოძრაობა შეფერხებულია.

მუნიციპალიტეტში ცენტრალური გზები გაიწმინდა. ადგილობრივი ხელისუფლება ვარაუდობს, რომ დენის მიწოდება დღის განმავლობაში სრულად აღდგება.

"განსაკუთრებით დიდი ზიანი აქვს ენერგომომარაგებას, მის ინფრასტრუქტურას, დაწყვეტილია სადენები, გამორთულია კავშირი და პრაქტიკულად წალენჯიხა მოწყვეტილია ცივილიზებულ სამყაროს, იმიტომ, რომ არც ინტერნეტი მუშაობს, არც სატელეფონო ქსელები. ხეები წაქცეულია, დიდი რაოდენობით, ყველა სოფლების მასშტაბით სახურავებია გადახდილი, ქარიც იყო მოგეხსენებათ", - ამბობს წალენჯიხის მერი.