გავრცელებული ინფორმაციით, წითელ ზღვაში მალტის დროშის ქვეშ მცურავ ტანკერს რაკეტა მოხვდა. ამის შესახებ უცხოური მედია ბრიტანეთის საზღვაო უსაფრთხოების ფირმა Ambrey-ზე დაყრდნობით წერს. არსებული ცნობით, საუბარია საბერძნეთის საკუთრებაში არსებულ, მალტის დროშის ქვეშ მცურავ ტანკერზე.

„ნაყარი ტვირთის გადამზიდავი გემი სარაკეტო თავდასხმის ობიექტი გახდა და დაზიანდა იმ დროს, როდესაც ის წითელ ზღვაში გადაადგილდებოდა იემენის მახლობლად“, - ნათქვამია ინფორმაციაში.

გაერთიანებული სამეფოს საზღვაო სავაჭრო ოპერაციების სააგენტომ (UKMTO) ასევე გაავრცელა ინფორმაცია ინციდენტის შესახებ.