უკრაინის შეიარაღებული ძალების მიერ გათავისუფლებულ ხერსონის ოლქში მდებარე ბერისლავსკში ავტომობილი ნაღმზე აფეთქდა. 

უკრაინული მედიის ცნობით, ბერისლავსკის რეგიონალური სახელმწიფო ადმინისტრაციის თავმჯდომარე ვლადიმერ ლიტნოვი აცხადებს, რომ შემთხვევის შედეგად რამდენიმე ადამიანი დაიღუპა და დაშავდა.

„ავტომობილი ნაღმზე აფეთქდა, ინციდენტი ქალაქ ბერისლავის მახლობლად მოხდა. სამწუხაროდ, არიან დაღუპული და დაშავებული მშვიდობიანი მოქალაქეები.

რუსმა ოკუპანტებმა დატოვეს მრავალი ნაღმი, ამიტომ მოქალაქეებმა თავი უნდა შეიკავონ ისეთ ტერიტორიაზე გადაადგილებისგან, რომლებიც ჯერ კიდევ არ არის შემოწმებული ექსპერტების მიერ“, - განაცხადა ლიტნოვმა.