✅ გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, შინაგან საქმეთა სამინისტროს საპატრულო პოლიციის თანამშრომლებთან ერთად დაშავებული შველი გადაარჩინეს.

➡ დეპარტამენტის თანამშრომლები, შემოსული შეტყობინების საფუძველზე, დუშეთის მუნიციპალიტეტში დაუყოვნებლივ გავიდნენ და ჟინვალის წყალსაცავის მიმდებარედ, შველი იპოვეს. მას ზურგზე დაზიანება აღენიშნებოდა. ცხოველს პირველადი სამედიცინო დახმარება ვეტერინარმა გაუწია, რის შემდეგაც, დროებით მიბარდა თბილისის ზოოლოგიურ პარკს.