სრულიად სომეხთა კათოლიკოსმა გარეგინ მეორემ სომხეთში საქართველოს ახალ ელჩთან გიორგი შარვაშიძესთან სომხურ-ქართული მეგობრობის გაძლიერება და რეგიონში მშვიდობისა და სტაბილურობის დამყარება განიხილა. ამის შესახებ გამოცემა „სპუტნიკი“ ეჩმიაძინის პრესსამსახურზე დაყრდნობით იუწყება.

მათივე ინფორმაციით, სომეხთა პატრიარქმა ხაზგასმით აღნიშნა, რომ ორი ხალხის მეგობრობა ქრისტიანულ ღირებულებებსაც ეფუძნება, რის წყალობითაც მათ შეინარჩუნეს თვითმყოფადობა.

საუბარი, ასევე, შეეხო საქართველოს სომხური თემის საკითხს ქვეყნის განვითარებაში - ნათქვამია ინფორმაციაში.