ბრიტანული გამოცემა „გარდიანი“ პარიზში დაფუძნებული პლატფორმის, Le Grand Continent-ის მიერ ცხრა ქვეყანაში ჩატარებული კვლევის შედეგებს აქვეყნებს.

კვლევის მიხედვით, საშუალოდ, გამოკითხულთა 48%-ს მიაჩნია, რომ ტრამპი ევროპის მტერია. ბელგიაში ასე ფიქრობს კვლევაში მონაწილეთა 62%, საფრანგეთში – 57%, ხორვატიაში – 37%, პოლონეთში – 19%.

კვლევის ავტორთა თქმით, ევროპის მთელ კონტინენტზე ტრამპიზმი მტრულ ძალად მიაჩნიათ, თუმცა, ამასთან, ევროპელები მაინც ფიქრობენ, რომ აშშ-თან ურთიერთობა სტრატეგიულად მნიშვნელოვანია.

კითხვაზე, თუ რა პოზიცია უნდა დაიკავოს ევროკავშირმა აშშ-ის მთავრობის მიმართ, რესპონდენტების უმრავლესობის, 48%-ის, პასუხია: კომპრომისი.