ანაკლიის პორტის მშენებლობასთან დაკავშირებით, დღეს, პრემიერ-მინისტრის მიერ გაკეთებულ განცხადებას, გიორგი გამსახურდია “ტვიტერით” გამოეხმაურა.  

,,გაქნილმა შულერმა ხაზარაძემ და მისმა ამფსონმა ჯაფარიძემ, პრემიერის დაანონსებულ ანაკლიის პროექტს სიცრუე უწოდეს. სიცრუე იყო ის ბატონებო, რასაც თქვენი ჯიბის გასასქელებლად აკეთებდით, მაშინ როდესაც ვითომ პორტის აშენება ქვეყნისათვის გინდოდათ, თქვენს მაშინდელ მოკავშირეებთან ერთად პოლიტიკაში", - წერს გიორგი გამსახურდია ,,ტვიტერის" გვერდზე.

ცნობისთვის, როგორც საქართველოს პრემიერ-მინისტრმა, ირაკლი ღარიბაშვილმა მთავრობის დღევანდელ სხდომაზე განაცხადა, ,,ანაკლიის პორტი აშენდება სახელმწიფოს თანამონაწილეობით, სადაც 51 პროცენტის მფლობელი სახელმწიფო იქნება".