განათლების მინისტრი გიორგი ამილახვარი დღეს, მასწავლებლებს შეხვდება. როგორც  ამილახვარმა განმარტა, შეხვედრის ფარგლებში საუბარი სასკოლო საკითხებსა და მასწავლებლების კარიერულ განვითარებას შეეხება.

მინისტრის თქმით, შეხვედრები მომდევნო კვირებშიც გაგრძელდება და სამინისტრო მასწავლებელთა ფართო მასებს მოიცავს.
"არის რიგი საკითხები, რიგი პრობლემები, რომლებიც მასწავლებლებს აწუხებთ და დაგროვებულია. უკვე მოგვმართეს, მე პირადად მომმართეს და ამ საკითხებთან დაკავშირებით გვინდა მათთან შეხვედრა, გასაუბრება, თუ როგორ ხედავენ ისინი სასკოლო საკითხებთან და მათი კარიერული განვითარების საკითხებთან დაკავშირებული პრობლემების მოგვარებას. შეხვედრები გაგრძელდება და მომდევნო კვირებში უფრო ინტენსიური იქნება, რათა მოვიცვათ უფრო ფართო მასები", - განაცხადა ამილახვარმა.