მოსკოვის ოლქის ჯანდაცვის სამინისტრომ საკონცერტო დარბაზ “კრორუს სითი ჰოლში”  მომხდარი ტერაქტისას დაღუპული 37 ადამიანის სია გამოაქვეყნა. სია სამინისტროს ვებვერდზეა განთავსებული.  

დღეს პრეზიდენტ ვლადიმერ პუტინს ფსბ-ს დირექტორმა ალექსანდრ ბორტნიკოვმა 11 ადამიანის, მათ შორის ტერაქტის ოთხი უშუალო მონაწილის დაკავების შესახებ მოახსენა. 

მოსკოვის ოლქში, „კროკუს სითი ჰოლში“ 22 მარტს შეიარაღებული პირები შეიჭრნენ და ცეცხლი გახსნეს. არსებული მონაცემებით, დაღუპულია 60-ზე მეტი ადამიანი, თუმცა, ეს რიცხვი შესაძლოა, გაიზარდოს. 121 დაშავებული კლინიკებშია განაწილებული. ტერაქტის შემდეგ კლინიკაში გადაყვანილი დაშავებულებიდან სამი ბავშვი და ორი მამაკაცი გარდაიცვალა.