რუსი იუმორისტი მაქსიმ გალკინი, რომელიც არ ეთანხმება ვლადიმერ პუტინის ომს უკრაინაში და ამის გამო მეუღლესთან, ალა პუგაჩოვასთან ერთად რუსეთი დატოვა, ქართულად ალაპარაკდა. 

ის თავის თაყვანისმცემლებს 11 თებერვალს თბილისში, დიდ საკონცერტო დარბაზში ეპატიჟება. ამის შესახებ ის გავრცელებულ ვიდეოჩანაწერში ქართულად თავად საუბრობს.

„ძვირფასო თბილისელებო და დედაქალაქის სტუმრებო, სიხარულით გაცნობებთ, რომ 11 თებერვალს, საღამოს 8 საათზე ფილარმონიის დიდ საკონცერტო დარბაზში შედგება ჩვენი ნანატრი შეხვედრა. გელოდებით მეგობრებო, ნახვამდის!“- ამბობს გალკინი ვიდეომიმართვაში.