ევროპის 21-წლამდელთა ჩემპიონატი საქართველოს ახალგაზრდული ნაკრების ეფექტური გამარჯვებით დაიწყო. რამაზ სვანაძის გუნდმა ჯგუფური ეტაპის პირველი მატჩი პორტუგალიასთან „დინამო არენაზე“ გამართა და 2:0 გაიმარჯვა.

აღსანიშნავია, რომ “ჯვაროსნებმა” პირველი ტაიმიც ანალოგიური შედეგით მოიგეს. 

გოლები გაიტანეს გიორგი გაგუამ და საბა საზონოვმა.

ორივე საგოლე გადაცემა გიორგი წიტაიშვილს ეკუთვნის.

ცნობისთვის, 21-წლამდელთა ევროპის ჩემპიონატი დღეს, 21 ივნისს, საქართველოსა და რუმინეთში დაიწყო.

საქართველოს ნაკრებმა სწორედ პირველი მატჩი პორტუგალიასთან, “დინამო არენაზე" გამართა.

მომდევნო მატჩი 24 ივნისს გაიმართება და საქართველო ბელგიას დაუპირისპირდება. 

მატჩი 20:00 საათზე დაიწყება.