გაერთიანებული სამეფო წითელი სიიდან ყველა ქვეყანას ამოიღებს

29/10/2021

10:30

მსოფლიო

A-

კოლუმბიიდან, პერუდან, პანამადან, ჰაიტიდან, ვენესუელადან, ეკვადორიდან და დომინიკის რეპუბლიკიდან გაერთიანებულ სამეფოში ჩასულ სრულად ვაქცინირებულ ადამიანებს სასტუმროებში კარანტინის გავლა აღარ მოუწევთ. ეს ის ქვეყნებია, რომლებიც, ამ დრომდე, წითელ სიაში იყვნენ, - ამის შესახებ BBC წერს.

ეს არ ნიშნავს, რომ გაერთიანებული სამეფო ე.წ. წითელი სიის სისტემას აუქმებს; კოვიდინფიცირების ზრდის შემთხვევაში, შესაძლოა, ამ სიაში კვლავ აღმოჩნდნენ ქვეყნები.

ასევე ფართოვდება იმ ქვეყნებისა და ტერიტორიების ნუსხა, რომელთა კოვიდვაქცინაციას დიდი ბრიტანეთი აღიარებს და ახლა ეს სია 135-ზე მეტ ქვეყანას მოიცავს.

ცვლილებები ძალაში ორშაბათს შევა.

632