გაერო-ს გენერალურმა ასამბლეამ მიიღო რეზოლუცია, რომელიც რუსეთს უკრაინაში შეჭრის გამო  პასუხისმგებლობას აკისრებს და ამ აგრესიით მიყენებული ზარალის ანაზღაურებისკენ მოუწოდებს. 

რეზოლუციას 94-მა წევრმა სახელმწიფომ მხარი დაუჭირა, მათ შორის იყო საქართველო. დოკუმენტს მხარი არ დაუჭირა 14-მა სახელმწიფომ, ხოლო თავი შეიკავა 74-მა.

ცნობისთვის, რეზოლუციას არასავალდებულო ხასიათი აქვს, თუმცა აღნიშნული დოკუმენტი კიდევ ერთხელ ადასტურებს გაეროს გენერალური ასამბლეის მხარდაჭერას უკრაინის სუვერენიტეტის, დამოუკიდებლობის, ერთიანობისა და ტერიტორიული მთლიანობისადმი და რუსეთს უკრაინიდან ჯარების გაყვანისკენ მოუწოდებს.

რეზოლუციის პროექტი უკრაინის მიერ იყო ინიცირებული და მისი თანასპონსორი ათობით ქვეყანა იყო.