სულ ვფიქრობ, რა უნდა მოუხერხო ამ სრულიად უსირცხვილო, უტვინო და მავნებელ აღქმოიდებს, ფეისბუკში უსაფრთხოდ რომ ილანძღებიან. ესენი ჩუმად ისხდნენ და გულში უხაროდათ, ვინმეს რომ დაიჭერდნენ და ქონებას წაართმევდნენ, - წერს პოლიტოლოგი სოსო მანჯავიძე სოციალურ ქსელში.

სოსო მანჯავიძე ამით საგამოძიებო კომისიის სხდომას ეხმიანება, სადაც დღეს სუპერმარკეტების ქსელ "იბისის“ თანადამფუძნებელმა მარიამ რატიანმა ჩვენება მისცა. 

მანჯავიძე წერს, რომ მარიამ რატიანის ისტორია "მოსასმენი კი არა-გამოსაძიებელია"

"სულ ვფიქრობ, რა უნდა მოუხერხო ამ სრულიად უსირცხვილო, უტვინო და მავნებელ აღქმოიდებს, ფეისბუკში უსაფრთხოდ რომ ილანძღებიან. ესენი ჩუმად ისხდნენ და გულში უხაროდათ, ვინმეს რომ დაიჭერდნენ და ქონებას წაართმევდნენ. ამათი მოდგმის არსებები არავითარ პროტესტს არ გამოთქვამდნენ, თუ მათ დაიჭერდნენ, კარგად სცემდნენ, ქონებასაც წაართმევდნენ შემდეგ გამოუშვებდნენ, მოასუქებდნენ, ისევ დაიჭერდნენ და ა.შ. პირიქით, რაღაც მაზოხისტური სტოკჰოლმის სინდრომი გაუჩნდათ, შეუყვარდათ მიშა. არავითარი პროტესტი ღირსების შელახვის გამო, მხოლოდ შიში და ვირთხული კმაყოფილება. ახლა, როცა არც იჭერენ, არც არავინ სცემს, უსაფრთხო პროტესტში არიან-ტრენდულია და იმიტომ. თან თავი ევროუკრაინულ ჩარჩოებში რომ აქვთ გაყოფილი, ევროპაში მიდიან და იმიტომ. ახლა რაც შეეხება კომისიის მუშაობას. მარიამ რატიანის ისტორია მოსასმენი კი არა-გამოსაძიებელია და მას კომპენსაცია ეკუთვნის. ისევე, როგორც სხვებს. მაგრამ არა ჩვენი, არამედ იმათი ქონების კონფისკაციის ხარჯზე, ვინც ამ ეგზეკუციებში მონაწილეობდა. გაატყავეს და გააუბედურეს ადამიანები და თვითონ სასახლეებში ცხოვრობენ, ქალბატონი გიულის არ იყოს,"- წერს სოციალურ ქსელში სოსო მანჯავიძე.