ფრანგული გამოცემა Foot Mercato-ს ინფორმაციით, საფრანგეთის ეროვნული ნაკრების კაპიტანმა, კილიან მბაპემ ეროვნული გუნდის ხელმძღვანელებს აცნობა, რომ მხოლოდ მნიშვნელოვან მატჩებში ათამაშონ.

გამოცემა იუწყება, რომ მბაპეს მიზანი 2025 წელს „ოქროს ბურთის“ მოგებაა და სურს, ტრავმებისგან დაზღვეული იყოს. ამიტომ, ნაკრებს უმნიშვნელო შეხვედრებში არ დაეხმარება.

25 წლის მბაპე გასულ ზაფხულს თავისუფალი აგენტის სტატუსით მადრიდის „რეალს“ შეუერთდა. ის საფრანგეთის ნაკრების წევრი 2017 წლიდანაა და მას შემდეგ „სამფეროვანთა“ მაისურით 86 მატჩი ჩაატარა.

2018 წელს კილიან მბაპე საფრანგეთთან ერთად მსოფლიო ჩემპიონი გახდა, 2022 წელს კი მუნდიალის ფინალში არგენტინასთან პენალტების სერიაში დამარცხდა.