ფოთში, ზღვაში ორი მოზარდი დაიხრჩო - ერთის ცხედარი მალევე იპოვეს, მეორე ბიჭის ძებნა-შველის ღონისძიებები ამ დრომდე გრძელდება. 

როგორც “სფეისნიუსისთვის" გახდა ცნობილი, 14 წლის ფოთელი ბიჭები ზღვაში დღეს, დღის მეორე ნახევარში შევიდნენ. 

"ორივე თოთხმეტი წლისაა.. საშინელი ტრაგედია ტრაილებს. ერთის ცხედარი ამოსვენებულია, მეორეს კი უწყვეტ რეჟიმში ეძებენ", - განუცხადეს ადგილობრივებმა “სფეისნიუსს”.

ვრცელდება ინფორმაცია, რომ შემთხვევა ერთ-ერთი მოზარდის დედის თვალწინ მოხდა. 

ბიჭების დახმარებას სანაპიროზე მყოფები შეეცადნენ, თუმცა ვერ უშველეს. 

ადგილზე მობილიზებულია პოლიცია, სასწრაფოსა და სამაშველო სამსახურის წარმომადგენლები.

შსს-ს ცნობით, საქმე აღძრულია 115-ე მუხლით.