ფოთში ძლიერმა ქარმა კოსტავას ქუჩაზე მდებარე ხუთსართულიან საცხოვრებელ კორპუსს სახურავი გადახადა. დაზიანდა ათამდე ავტომობილი.

მერიის ინფორმაციით, შექმნილია სპეციალური კომისია, რომელიც ზარალს  სწავლობს და ოჯახებს შესაბამისი დახმარება გაეწევათ.

ჰიდროგრაფიული სამსახურის სინოპტიკური სამმართველოს ინფორმაციით, შავი ზღვის სანაპირო ზოლზე 27 ნოემბერს დღის განმავლობაში 6-7 ბალიანი შტორმი ფიქსირდება, ხოლო საღამოს 5-6 ბალი. ასევე დღის განმავლობაში იქროლებს ძლიერი ქარი ( დას. სამხ. დას. 7-12 მ/წმ. დაქროლვა 13/18 მ/წმ.), დროგამოშვებით ფიქსირდება უხვი ნალექი. სინოპტიკოსების განცხადებით, შტორმის სიმძლავრე ხვალიდან შედარებით მოიკლებს, ხოლო ძლიერი ქარი სავარაუდოდ, სამი დღე შენარჩუნდება.