ტედი რი­ნერ­თან მომ­ხდა­რი ინ­ცი­დენ­ტის გამო ქარ­თვე­ლი ძი­უ­დო­ის­ტი გუ­რამ თუ­შიშ­ვი­ლი რე­პე­შაჟ­ში მო­ნა­წი­ლე­ო­ბას ვე­ღარ მი­ი­ღებს. ტურ­ნი­რის მე­ო­თხე­დფი­ნალ­ში ლე­გენ­და­რულ ფრანგ ძი­უ­დო­ის­ტთან ტედი რი­ნერ­თან და­მარ­ცხდა, ტე­დის პრი­ვო­კა­ცი­ას გუ­რამ­მაც აღელ­ვე­ბით უპა­სუ­ხა, რაც არ გვა­პა­ტი­ეს და მსაჯ­მა რი­ნე­რის გა­მარ­ჯვე­ბას­თან ერ­თად ჩვე­ნი ჰან­სო­კუ-მა­კეც აჩ­ვე­ნა. შე­დე­გად, თუ­შიშ­ვი­ლი ოლიმ­პი­ა­დას გა­მო­ე­თი­შა.

ფაქტს მსოფ­ლიო პრე­სა, ძი­უ­დოს გულ­შე­მატ­კივ­რე­ბი და სო­ცი­ლუ­რი ქსე­ლის მომ­ხმა­რებ­ლე­ბი სხვა­დას­ხვაგ­ვა­რად აფა­სე­ბენ.

შეხ­ვედ­რის დას­რუ­ლე­ბი­დან მა­ლე­ვე გავ­რცელ­და ტედი რი­ნე­რის ჟეს­ტის ამ­სახ­ვე­ლი ფოტო, რა­მაც გუ­რამ თუ­შიშ­ვი­ლის გა­ღი­ზი­ა­ნე­ბა გა­მო­იწ­ვია.

აღ­სა­ნიშ­ნა­ვია, რომ რი­ნე­რის არას­პორ­ტუ­ლი საქ­ცი­ე­ლის გამო, მსა­ჯებ­მა თუ­შიშ­ვი­ლის დას­ჯა - დის­კვა­ლი­ფი­კა­ცი­ით გა­და­წყვი­ტეს.

• "რა ხდე­ბა, მი­ზან­მი­მარ­თუ­ლად ავიწ­რო­ვე­ბენ ქარ­თველ სპორ­ტსმე­ნებს, თუ რა ხდე­ბა? ყვე­ლა­ზე უსა­მარ­თლო ოლიმ­პი­ა­დაა...
• მსა­ჯი იქ არ იყო? ეძი­ნა? ჩვენ­მა დე­ლე­გა­ცი­ამ უნდა გა­აპ­რო­ტეს­ტოს რი­ნე­რის თავ­ხე­დო­ბა;
• ღირ­სე­ბა ყვე­ლა მე­დალს ჯო­ბია;
• რი­ნერს არ ეკად­რე­ბო­და ასე­თი პა­ტა­რა კა­ცო­ბა", - ქარ­თვე­ლი გულ­შე­მატ­კივ­რე­ბი თვლი­ან, რომ რი­ნე­რის ჟეს­ტი უღირ­სი საქ­ცი­ე­ლი იყო და მსა­ჯებ­მა უსა­მარ­თლო გა­და­წყვე­ტი­ლე­ბა მი­ი­ღეს, რო­დე­საც თუ­შიშ­ვი­ლი გა­მო­თი­შეს შე­ჯიბრს.

შესაბამისად, გუნდურ შეჯიბრში, რომელიც ხვალ, 3 აგვისტოს გაიმართება, თუშიშვილს ილია სულამანიძე შეცვლის.

რაც შე­ე­ხე­ბა ფრან­გულ მე­დი­ას, RMC Sport -მა ინ­ცი­დენ­ტი თუ­შიშ­ვი­ლის ზედ­მეტ ამ­ბი­ცი­უ­რო­ბას მი­ა­წე­რა. გა­მო­ცე­მამ ყუ­რა­დღე­ბა გუ­რა­მის ქცე­ვა­ზე გა­ა­მახ­ვი­ლა, თუმ­ცა არა­ფე­რი და­წე­რა რი­ნე­რის პრო­ვო­კა­ცი­ულ ჟესტზე.

"თუ­შიშ­ვი­ლი­სა და რი­ნე­რის და­პი­რის­პი­რე­ბის კად­რე­ბი. გაბ­რა­ზე­ბუ­ლი გუ­რამ თუ­შიშ­ვი­ლი მარ­ცხს ვერ შე­ე­გუა და ფრანგს და­უ­პი­რის­პირ­და", - წერს გა­ნახ­ლე­ბად მა­სა­ლა­ში გა­მო­ცე­მა და მის არხზე ვი­დე­ოს აქ­ვეყ­ნებს.

• "ჩვენ შენ­თან ვართ ტედი!
• შე­სა­ნიშ­ნა­ვი ბრძო­ლა იყო“, - ამ­ხნე­ვე­ბენ ფრან­გი გულ­შე­მატ­კივ­რე­ბი ტედი რი­ნერს.

აღ­სა­ნიშ­ნა­ვია, რომ თუ­შიშ­ვი­ლი - ტო­კი­ოს ოლიმ­პი­ა­დის ვერ­ცხლის მე­და­ლო­სა­ნი, მსოფ­ლი­ოს 2018 წლი­სა და ევ­რო­პის 2017, 2019 წლე­ბის ჩემ­პი­ო­ნი ტედი რი­ნერს კა­რი­ე­რის გან­მავ­ლო­ბა­ში მე­ხუ­თედ და­უ­პი­რის­პირ­და.

ორ­თაბ­რძო­ლის და­სას­რულს რი­ნერ­მა თუ­შიშ­ვი­ლი იპონ­ზე და­აგ­დო. 35 წლის ფრანგსა და 29 წლის ქარ­თველს შო­რის სი­ტუ­ა­ცია და­ი­ძა­ბა, რისი მი­ზე­ზიც, სა­ვა­რა­უ­დოდ, რი­ნე­რის პრო­ვო­კა­ცი­უ­ლი ქმე­დე­ბა გახ­და.

გუ­რამს იპო­ნით წა­გე­ბა ჩა­ეთ­ვა­ლა, მაგ­რამ მოგ­ვი­ა­ნე­ბით მისი ქმე­დე­ბა არას­პორ­ტუ­ლა­დაც შე­ფას­და და თუ­შიშ­ვი­ლი ას­პა­რე­ზო­ბი­დან სულ მო­იხ­სნა.