Black Sea Arena-მ Imagine Dragons-ის გრანდიოზული შოუ-კონცერტის ამსახველი ფოტოები გამოაქვეყნა და დაწერა:

"Starring Georgia-ს ისტორიული ლაივი შედგა ✨
მადლობა ყველას ვინც ეს წარმოუდგენლად დრაკონული ენერგიები გაიზიარა."

Imagine Dragons-ის გრანდიოზულმა კონცერტმა, თბილისში წუხელ ანშლაგით ჩაიარა. მსოფლიოში პოპულარული ამერიკული ჯგუფის მოსასმენად, მიხეილ მესხის სტადიონზე 30 000 მელომანი შეგროვდა. 4 გრემის მფლობელმა პოპ-როკ ბენდმა ცნობილი ჰიტები, ქართველი მსმენელისთვის თავისი ხუთივე ალბომიდან შეასრულა. კონცერტზე დამსწრეთა უსაფრთხოებას, რამდენიმე ათასი პოლიციელი იცავდა.

Imagine Dragons-ი საქართველოს მეხუთე მსოფლიო ტურნეს ფარგლებში პირველად ეწვია. შეკვეთილიდან თბილისში 35-მდე ტრაილერით, სპეციალურად „ბლექ სი არენას“ ახალი სცენა ჩამოიტანეს. პრემიერის მიერ ინიცირებული პროექტის „სთარინგ ჯორჯიას“ დაფინანსების ფარგლებში შეძენილი სცენით, განათებისა და გახმოვანების მძლავრი სისტემებით, საქართველო რეგიონში ერთადერთია.