ფინეთის საგარეო საქმეთა მინისტრმა თურქეთის საგარეო საქმეთა მინისტრს წიგნი სახელწოდებით "რუსული იდეა" აჩუქა.

თურქეთის საგარეო საქმეთა მინისტრი ჰაკან ფიდანი ოფიციალური ვიზიტის ფარგლებში, დედაქალაქ ჰელსინკიში, თავის ფინელ კოლეგას, ელინა ვალტონენს შეხვდა. ვალტონენმა მნიშვნელოვანი განცხადება გააკეთა ფიდანისთვის საჩუქრად გადაცემულ წიგნთან - "რუსული იდეა" დაკავშირებით.

ვალტონენმა აღნიშნა, რომ მან მინისტრ ფიდანს ფინეთის ერთ-ერთი ყოფილი პრეზიდენტის, მაუნო კოივისტოს წიგნი სახელწოდებით "რუსული იდეა" შემდეგი მიზეზით აჩუქა: "წიგნში არის ნაწილი, სადაც წერია: "ერთადერთი ძალა, რომელსაც რუსეთის იმპერია პატივს სცემდა, ოსმალეთის იმპერია იყო“.

მინისტრმა ფიდანმა, რომელიც იმ მომენტში საკმაოდ ამაყი ჩანდა, მადლობის გადახდის შემდეგ კოლეგას ხელი ჩამოართვა.