ფილიპინებში,  ტემპერატურის მომატების შემდეგ, ქვეყნის ძირითადი კაშხალი ნაწილობრივ დაშრა და თითქმის 300 წლის ქალაქის, პანტაბანგანის, ნანგრევები კვლავ გამოჩნდა. ქალაქი წყლის ქვეშ 1970-იან წლებში მოექცა. 

ფილიპინების კაშხლების მმართველი სახელმწიფო სააგენტოს ინჟინერის მარლონ პალადინის განცხადებით, პანტაბანგანი ერთადერთი ქალაქია, რომელმაც, კაშხლის აშენების შემდეგ, წყალში ყველაზე დიდხანს გაძლო. ქალაქის ნანგრევების ხელახლა გამოჩენამ ტურისტები მიიზიდა. პანტაბანგანი დედაქალაქ მანილას ჩრდილოეთით, დაახლოებით 202 კილომეტრში მდებარეობს.

ქვეყნის თითქმის ნახევარი გვალვას განიცდის, ზოგ ადგილას ჰაერის ტემპერატურა, მაქსიმუმ, 50 გრადუსს აღწევს. ექსტრემალურმა სიცხემ მილიონობით ადამიანის ყოველდღიური ცხოვრება შეცვალა, რადგან სკოლები დღეების მანძილზე იკეტება და ოფისის თანამშრომლებს სახლიდან მუშაობას ურჩევენ. 

არქიპელაგი თბილი და მშრალი სეზონის შუალედურ ტემპერატურას განიცდის, რასაც ამძაფრებს ელ ნინო ან წყნარი ოკეანის ზედაპირული წყლების უჩვეულო დათბობა. ფილიპინები კლიმატის ცვლილების გავლენისგან ერთ-ერთი ყველაზე დაუცველი ქვეყანაა მსოფლიოში. ნალექიან სეზონს შესაძლოა ქარიშხალი მოჰყვეს, როგორიცაა ერთ-ერთი ყველაზე ძლიერი სუპერ ტაიფუნი ჰაიანი.