ფილიპინებში ჩინეთის საელჩოს განცხადებით, შეერთებულმა შტატებმა მაქსიმალურად სწრაფად უნდა განუმარტოს ფილიპინელებს, თუ რა მიზანს ემსახურება COVID-19-ის საწინააღმდეგო ჩინური ვაქცინის შესახებ ცრუ პროპაგანდა.

„შეერთებულმა შტატებმა დაუყოვნებლივ უნდა გამოასწოროს თავისი მცდარი პრაქტიკა, შეწყვიტოს მსოფლიოს დასაბნევად სიცრუის პროპაგანდა, ცილისწამება და სხვა ქვეყნების შეურაცხყოფა“, - განაცხადა ჩინეთის საელჩოს პრესსპიკერმა.

Reuters-ის საგამოძიებო მოხსენებაში ნათქვამია, რომ აშშ-ის სამხედროებმა COVID-19-ის პანდემიის დროს ფარული პროგრამა წამოიწყეს, რათა ფილიპინებში ჩინეთის მიერ წარმოებული Sinovac-ით ვაქცინაციის დისკრედიტაცია მოეხდინათ.