ევროკავშირის ყოფილმა უმაღლესმა დიპლომატმა, ფედერიკა მოგერინიმ ევროპის კოლეჯის რექტორის თანამდებობა დატოვა. ინფორმაციას ამის შესახებ გამოცემა POLITICO ავრცელებს.

„იმ უდიდესი სიმკაცრისა და სამართლიანობის შესაბამისად, რომლითაც ყოველთვის ვასრულებდი ჩემს მოვალეობებს, დღეს გადავწყვიტე, გადავდგე ევროპის კოლეჯის რექტორის და ევროკავშირის დიპლომატიური აკადემიის დირექტორის თანამდებობებიდან“, - ნათქვამია ფედერიკა მოგერინის განცხადებაში.

ევროკავშირის საგარეო ქმედებათა სამსახურში მიმდინარე გამოძიების ფარგლებში ფედერიკა მოგერინი 2 დეკემბერს დააკავეს. თუმცა, ის მეორე დღეს გაათავისუფლეს, რადგან, პროკურორის განმარტებით, მიმალვის რისკი არ არსებობს.