სომეხი ხალხი აღარ უნდა ემხრობოდეს ყარაბაღის სომხეთთან მიერთებას. ამის შესახებ ქვეყნის პრემიერ-მინისტრმა ნიკოლ ფაშინიანმა პარლამენტში განაცხადა.

„პირდაპირ უნდა ვთქვა, რომ ჩვენ არ უნდა გავაგრძელოთ ყარაბაღის მოძრაობა“, - განაცხადა ფაშინიანმა.

მან დასძინა, რომ მზად არის, აზერბაიჯანთან სამშვიდობო შეთანხმებას ხელი მოაწეროს. თუმცა, სომხეთის პრემიერ-მინისტრის თქმით, ეს სურვილი აზერბაიჯანსაც უნდა ჰქონდეს. 

ფაშინიანმა ხაზგასმით აღნიშნა, რომ მხოლოდ ერთობლივი ძალისხმევით იქნება შესაძლებელი კონფლიქტის მოგვარება. მისივე ტქმით, სომხეთმა უკვე მიმართა აზერბაიჯანს სამშვიდობო შეთანხმების ხელმოწერის ვადისა და ადგილის თაობაზე. საჯარო განცხადებების გარდა, ეს წინადადება დიპლომატიური არხებითაც გაიგზავნა.