პრეზიდენტმა ქვეყანაში „ნეომიშისტური მიმდინარეობა“ დააანონსა, - ამის შესახებ პარლამენტის ვიცე-სპიკერმა ნინო წილოსანმა განაცხადა.

მისი თქმით, სალომე ზურაბიშვილი, რომელიც უკვე ყოველდღიურ რეჟიმში არის გასული თავისი საკონსტიტუციო ჩარჩოდან, თავისი გადაწყვეტილებით, რომ ხელმძღვანელობს ოპოზიციას, კიდევ ერთხელ ადასტურებს „ნეომიშისტურ მიმდინარეობას“.

„ფაქტობრივად ნეომიშისტური მიმდინარეობა დააანონსა, რეპრესიები და ვითომ პროევროპულობა, თუმცა, ალბათ ძალიან კარგად გვახსოვს, რომ თავად სალომე ზურაბიშვილი დადიოდა საზღვარგარეთ და არწმუნებდა ჩვენს პარტნიორებს, რომ საქართველო არ იმსახურებდა კანდიდატის სტატუსის მიღებას. ამ ყველაფრის მიუხედავად საქართველომ გააგრძელა ევროპული სვლა და გააგრძელებს“, - აღნიშნა წილოსანმა.