პარტია „ხალხისთვის“ ლიდერი ანა დოლიძე საქართველოს პრეზიდენტ სალომე ზურაბიშვილის ბრიფინგს ეხმაურება. დოლიძე ამბობს, რომ ზურაბიშვილი ყოველთვის ამართლებდა ე.წ. კლანს და ახლაც, „გადაეფარა“ მათ.

„არასოდეს სალომე ზურაბიშვილს არ გაუკრიტიკებია კლანი. პირიქით, ამართლებდა ყოველთვის და ეხმარებოდა კიდევაც, სიტყვიერად თუ წევრების დანიშვნით. არავითარი საგნობრივი კრიტიკა სისტემის. ისრები სულ სხვაგან გადაიტანა და ფაქტობრივად კლანს გადაეფარა“, - წერს ანა დოლიძე სოციალურ ქსელში.

ცნობისთვის, სალომე ზურაბიშვილი აშშ-ის სახელმწიფო დეპარტამენტის მიერ რამდენიმე ქართველი მოსამართლის მიმართ დაწესებულ სანქციებთან დაკავშირებით ბრიფინგი გამართა.