“მოვთხოვთ დროებით გადავადებას, რომ მიეცეს ადამიანს ჯანმრთელობის მდგომარეობის აღდგენის საშუალება” - ამის შესახებ აცხადებს გიული ალასანია, რომელმაც სტრასბურგში გაგზავნილ საჩივართან დაკავშირებით მედიასთან კომენტარი გააკეთა.

ალასანიას ინფორმაციით, ევროსასამართლომ დოკუმენტი ჩაიბარა, თუმცა მომდევნო ნაბიჯები ჯერჯერობით უცნობია.

რაც შეეხება მიხეილ სააკაშვილის მდგომარეობას, გიული ალასანიას თქმით, ვითარება უცვლელია და ისევ აქვს ტემპერატურა, წნევა, ძლიერი სისუსტე - "იმდენად სუსტად არის, რომ მე არ ვიცი რა სასწაული უნდა მოხდეს რომ ის დაუბრუნდეს საწყის მდგომარეობას, მაგრამ ყოველ შემთხვევაში, რაღაც შანსი უნდა მიეცეს", თქვა ალასანიამ.