საქართველოში ევროკავშირის ელჩი პაველ ჰერჩინსკი ორბელიანის მოედანზე, ევროპის დღეების ფარგლებში გამართულ ღონისძიებებს დაესწრო და მოქალაქეებს ევროპის დღე ქართულად მიულოცა.

მისი თქმით, ამ დღეს საქართველო ევროპული პერსპექტივით ხდვება, რაც დიდი წარმატებაა.

„ჩვენ ევროპის დღეს აღვნიშნავთ. ამ დღეს საქართველო ევროპული პერსპექტივით ხვდება. ეს დიდი წარმატებაა. შემდეგი ეტაპი კანდიდატის სტატუსის მოპოვებაა, რაც კიდევ უფრო დაახლოვებს საქართველოს ევროკავშირის წევრობასთან. ამ მიზანს მოსახლეობის დიდი უმრავლესობა უჭერს მხარს. ეს ისტორიული შანსია, რათა გახდეთ ერთიანი, უსაფრთხო, ეკონომიკურად ძლიერი ევროპული ოჯახის წევრი. ვუსურვებ საქართველოს წარმატებას ამ გზაზე“, – განაცხადა პაველ ჰერჩინსკიმ, რომელმაც ორბელიანის მოედანზე შეკრებილებს ქართულად მიმართა.